Við gefum ekki frá okkur tilboð með uppsetningu, nema það komi sérstaklega fram. ​ Við getum þó bent á nokkra aðila sem við treystum á.

Biðtími fer eftir mörgum breytum. Efnisval, fjöldi kassa og innvols hefur allt áhrif á afhendingartíma. Áætlaðir afhendingartími er gefin með tilboði.

Við getum sérsmíðað nýjar framhliðar og úthliðar á innréttingar sem eru þegar til staðar, að því gefnu að verkefnið sé nægilega umfangsmikið.

​Nákvæmt verð er ekki hægt að veita fyrr en öll hönnunarvinna hefur farið fram. Efnisval, stærð verks og innvols hefur allt áhrif á verð.​​​​

Staðfestingar gjald fyrir verk sem kosta meira en 1.000.000 kr. er 50% af útgefnu tilboði. Verk undir 1.000.000 kr. skulu vera greidd að fullu áður en verk hefst.

Við getum svo sannarlega hannað innréttinguna, alveg frá grunni eða út frá teikningu. Við mælum eindregið með að bóka tíma í hönnun og ráðgjöf hjá okkur.

Við staðfestingu mætir mælingarmaður frá Birninum á svæðið þar sem innréttingin á að vera. Með málbandi og fjarlægðarlaser tekur hann öll nauðsynleg mál.

Að smíða í sérstærðum er það sem við sérhæfum okkur í. Vandræðalegt horn eða þröngt bil? ekkert mál fyrir Björninn.

Innréttingar okkar eru framleiddar á Íslandi 🇮🇸 með stolti. Nánar tiltekið Álfhellu 5, Hafnarfirði. Endilega kíkið við í sýningarsal okkar þar.

Hægt er að raðgreiða innréttingar í gegnum PEI. Við bjóðum einnig sveigjanlegt greiðslufyrirkomulag fyrir seinni hluta tilboðsins, í samráði við viðskiptavin.

Við smíðum hefðbundnar innihurðir sem og rennihurðir. Einnig tökum við að okkur að smíða eldvarnarhurðir í sértilfellum.

Björninn hefur límtrésborðplötur, harðplasts plötur og harðkjarna (compact) borðplötur. Við erum líka í samstarfi með Granítsmiðjunni. Þar fá viðskiptavinir okkar 15% afslátt hjá þeim af stein-borðplötum.

Framhliðar geta verið úr ýmsum efnum t.d. melamíni, spónlögðum plötum, MDF og í sértilfellum gegnheill viður.  Skrokkaefni okkar kemur frá EGGER sem er leiðandi fyrirtæki í sjálfbærni og gæðum á plötum sem nýtast í innréttingasmíði.   Kynnið ykkur EGGER hér: EGGER

Við gerum það ekki að vana að smíða húsgögn en við erum opnir fyrir öllu ef verkið er spennandi. ​ Öll sérsmíði fer fram á tímakaupi.