Legrabox er lúxuslínan í skúffukerfum frá Blum. Hún er vinsæl hjá innanhússarkitektum þar sem útlitið er einstaklega hreint, nett og fágað. Legrabox hentar þegar smáatriðin skipta öllu máli og óskað er eftir minimalískri og vandaðri heildarmynd. Skúffurnar eru með ljúflokun og einnig er hægt að bæta við þrýstiopnun fyrir handfangalausar lausnir. Litir í boði:

Þitt hjarta heimilisins

Eldhúsið er rými sem þarf að virka vel í daglegu lífi, hvort sem það snýst um matargerð, geymslu, vinnuflæði eða samveru. Því skiptir máli að það sé vel hannað, fallegt og praktískt, með hentugri uppsetningu tækja, góðu aðgengi og geymslulausnum sem nýtast vel.

Með sérsmíði færð þú innréttingu sem er aðlöguð að þínum þörfum, ekki öfugt. Þegar útlit og virkni fara vel saman verður eldhúsið hlýlegt, aðlaðandi og vel nýtt rými sem hentar heimilinu.

Notaðu tvo putta til að snúa innréttingunni

Eldhús að þínum hætti

Láttu hjarta heimilisins slá af krafti

Raunverulegur lúxus

Skúffur eru ein mikilvægasta lausnin í vel útfærðri innréttingu þar sem þær gefa betra yfirlit, auðvelda aðgengi og nýta rýmið betur en hefðbundnir skápar. Við notum eingöngu hágæða skúffubúnað frá einum viðurkenndasta birgja heims, með ljúflokun sem tryggir mjúka, hljóðláta og þægilega notkun í daglegu lífi.

Notaðu tvo putta til að snúa innréttingunni

Skúffutegundir okkar

Merivobox er okkar algengasta og skynsamlegasta lausn fyrir vandaðar innréttingar. Kerfið er sterkt, nákvæmt og hentar vel í eldhús, baðherbergi, fataskápa og aðrar innréttingar. Merivobox sameinar góða burðargetu, mjúka hreyfingu og hreint útlit án þess að fara óþarflega langt í kostnað. Skúffurnar eru með ljúflokun og einnig er hægt að bæta við þrýstiopnun þar sem óskað er eftir handfangalausri lausn. Þetta er skúffukerfi sem skilar sér vel í notkun: stöðugt, fallegt og praktískt. Litir í boði:

Einstök upplifun

Með sérsmíði er hægt að fara aðeins út fyrir hefðbundnar lausnir og útfæra innréttingu sem hentar bæði rýminu og þeim sem nota það. Vasahurðir, fellihurðir og sérlausnir geta gert daglega notkun þægilegri, nýtt plássið betur og gefið innréttingunni skemmtilegan karakter.

Notaðu tvo putta til að snúa innréttingunni

Vinsælustu lausnirnar

Vasahurðir eru falleg og praktísk lausn þegar loka á hluta innréttingar án þess að hurðirnar taki pláss út í rýmið. Þær renna inn í hliðar innréttingarinnar og hverfa nánast þegar þær eru opnar. Hægt er að velja einfaldar vasahurðir, þar sem einn fleki rennur inn, eða tvöfaldar vasahurðir, þar sem tveir flekar leggjast saman og renna inn í hliðina. Einnig er hægt að velja þrýstiopnun án halda eða opnun með höldum. Lausnin hentar vel fyrir kaffiskápa, tækjaskápa, þvottahús, skrifstofurými og önnur rými þar sem gott er að geta falið hlutina þegar þeir eru ekki í notkun. Vasahurðir gera rýmið sveigjanlegra og snyrtilegra, opin innrétting þegar hún er í notkun og lokuð þess á milli.

Fellihurðir eru praktísk og nett lausn þar sem framhliðar leggjast saman til hliðar þegar opnað er. Þær taka minna pláss út í rýmið en hefðbundnar hurðir og gefa gott aðgengi að innihaldi skápsins. Lausnin hentar vel í fataskápa, þvottahús, geymsluskápa, skrifstofurými og aðrar innréttingar þar sem mikilvægt er að nýta plássið vel. Hægt er að velja mismunandi útfærslur eftir stærð og notkun, allt frá léttari lausnum fyrir minni skápa yfir í öflugri kerfi fyrir stærri og þyngri hurðir. Fellihurðir geta verið með handfangi eða þrýstiopnun fyrir handfangalaust útlit.

Hornskápar þurfa ekki að vera óaðgengileg geymsla innst í eldhúsinu. Með réttri lausn er auðvelt að nýta hornið og komast þægilega að því sem þar er geymt. Hvort sem valin er sveigjanleg hornhilla eða útdraganleg lausn færist innihaldið nær þér, í stað þess að þú þurfir að teygja þig inn í skápinn. Góð hornskápslausn gerir eldhúsið þægilegra í notkun, bætir yfirsýn og breytir annars erfiðu horni í aðgengilegt geymslurými.

Frontalyftur eru þægileg lausn fyrir efri skápa þar sem framhliðin opnast upp í stað þess að sveiflast út í rýmið. Þær gefa gott aðgengi og halda framhliðinni frá á meðan skápurinn er í notkun. Til eru mismunandi útfærslur eftir stærð, hæð og þyngd framhliðar, allt frá einföldum lyftum fyrir minni skápa upp í öflugri lausnir fyrir stærri framhliðar. Hægt er að velja hefðbundna opnun eða rafdrifna opnun þar sem framhliðin opnast með léttri snertingu.

Hönnun & ráðgjöf

Hjá Birninum getur þú bókað tíma með lærðum innanhúss- og húsgagnahönnuði sem aðstoðar þig við að koma hugmyndunum á blað, móta rýmið út frá þínum þörfum og finna lausnir sem henta bæði heimilinu og daglegri notkun.

Bókaðu tíma hér