Fataskápar eftir þínu höfði.

Fyrir þínar fínustu flíkur

Þinn fataskápa stíll

Við hönnun fataskápa skiptir máli að huga að útliti, skipulagi, lýsingu og því hvort lausnin eigi að vera opin eða lokuð.

Vel útfærður fataskápur nýtir plássið betur, auðveldar skipulag og fellur fallega að stíl heimilisins.

Notaðu tvo putta til að snúa fataskápnum

Tegundir fataskápa

Opnir skápar eru fáguð og létt lausn fyrir nútímaleg heimili þar sem skipulag og yfirsýn skipta máli. Þeir gera fatnað og fylgihluti að hluta af heildarútliti rýmisins og skapa afslappaða, hótellega stemningu. Þar sem allt er sýnilegt og aðgengilegt hvetja opnir skápar til vandaðs skipulags og geta jafnframt létt á rýminu, sérstaklega í minni herbergjum þar sem gott er að forðast þungar hurðir og lokaða skápa.

Fataskápar gegna lykilhlutverki í að halda heimilinu snyrtilegu og skipulögðu. Því skiptir máli að þeir séu bæði fallegir og notadrjúgir. Með vel útfærðum hillum, skúffum og slám má nýta rýmið betur og auðvelda skipulag fatnaðar og fylgihluta. Fataskápar eru fjölbreyttir í útliti, stærðum og útfærslum og því auðvelt að velja lausn sem fellur að stíl, rými og þörfum heimilisins.

Fataherbergi verða sífellt vinsælli á íslenskum heimilum enda bjóða þau upp á aukin þægindi, gott skipulag og betra aðgengi að fatnaði, skóm og fylgihlutum. Með vel útfærðu fataherbergi má skapa praktískt og fágað rými þar sem allt á sinn stað og dagleg rútína verður einfaldari. Fataherbergi veita einnig betri loftun og varðveislu fyrir fötin, sem getur lengt líftíma þeirra. Þau eru svo sannarlega lúxus í daglegu lífi.

Vinsælar útfærslur

Gerðu skápinn þinn

Slár

Fataslár og fatalyftur eru mikilvægur hluti af vel skipulögðum fataskáp. Þær auðvelda aðgengi að fatnaði og nýta hæð skápsins betur.

Fataslár fást í mismunandi lengdum, litum og útfærslum, til dæmis svartar, krómaðar eða gylltar. Fatalyftur henta sérstaklega vel í hærri skápa eða þar sem nýta á tvær hæðir af fataslám án þess að skerða aðgengi eða þægindi.

Útdrög

Útdrög í fataskápum skipta miklu máli fyrir gott skipulag og dagleg þægindi. Með því að draga hluti fram fæst betri yfirsýn, auðveldara aðgengi og minna vesen við að ná í það sem liggur aftar í skápnum.

Við bjóðum upp á fjölbreyttar útdragslausnir, allt frá vírkörfum og hefðbundnum skúffum yfir í fágaðar glerskúffur fyrir léttara og lúxuslegra yfirbragð. Rétt útfærð útdrög gera fataskápinn notendavænni, snyrtilegri og þægilegri í daglegri notkun.

Opnanir

Opnun fataskápa er mikilvægur hluti af heildarútfærslunni og hefur áhrif á bæði útlit og daglega notkun. Hægt er að velja rennihurðir, hefðbundnar hurðir eða opnar lausnir, allt eftir rými, stíl og þörfum.

Grip og höldur eru hluti af lokafráganginum og geta breytt yfirbragði skápsins töluvert. Hvort sem valin eru sýnileg handföng, innfelld grip eða einfaldari griplausnir er hægt að móta útlitið þannig að það falli vel að innréttingunni og heimilinu.